WordPress-ის სამყაროში დაპირისპირება: Automattic და WP Engine სავაჭრო ნიშნებზე დავობენ
WordPress-ის უკან მდგომი კომპანია Automattic და WP Engine, ერთ-ერთი უმსხვილესი ჰოსტინგის პროვაიდერი, ერთმანეთის წინააღმდეგ სამართლებრივ დავაში ჩაერთნენ. ეს დაპირისპირება მნიშვნელოვნად ეხება WordPress-ის სავაჭრო ნიშნის გამოყენებას და ღია წყაროს საზოგადოების მომავალს, რამაც დიდი აღშფოთება და გაურკვევლობა გამოიწვია.
Automattic-სა და WP Engine-ს შორის კონფლიქტი მას შემდეგ დაიწყო, რაც Automattic-ის დამფუძნებელმა და CEO-მ, მეტ მალენვეგმა, WP Engine-ს WordPress-ის მომხმარებლების შეცდომაში შეყვანაში დაადანაშაულა. მისი თქმით, WP Engine მომხმარებლებს აძლევს მცდარ წარმოდგენას, თითქოს ისინი უშუალოდ WordPress-სთან არიან დაკავშირებული. ამასთან, WP Engine-ს არასოდეს შეუტანია შემოწირულობა WordPress-ის ფონდისთვის, მიუხედავად იმისა, რომ კომპანია WordPress-ის პლატფორმაზე მნიშვნელოვანი შემოსავალს იღებს.
სავაჭრო ნიშნის გამოყენების საკითხი განსაკუთრებით გამწვავდა, როდესაც Automattic-მა WP Engine-ს შეუზღუდა წვდომა WordPress.org რესურსებზე, რაც დიდ პრობლემას წარმოადგენდა WP Engine-ის მომხმარებლებისთვის. WP Engine-მა განაცხადა, რომ ეს ნაბიჯი მომხმარებლებს შეუქმნა სერიოზული პრობლემები, მათ შორის პლაგინებისა და თემების განახლების შეუძლებლობა, რამაც საიტები დაუცველი დატოვა უსაფრთხოების საფრთხეების წინაშე.
მიუხედავად იმისა, რომ გარკვეული დროით WP Engine-ს წვდომა დროებით აღუდგინეს, საზოგადოებაში ეს საკითხი კვლავ დიდი განხილვის საგნად რჩება. დეველოპერები და ჰოსტინგის პროვაიდერები შეშფოთებულნი არიან იმით, თუ რა შედეგები მოჰყვება ამ დავას და როგორ შეიძლება მომავალში მსგავსი კონფლიქტები აისახოს სხვა კომპანიებზე, რომლებიც WordPress-ზე არიან დამოკიდებული.
WordPress-ის ფონდმა ასევე სცადა ტრენდის გაკონტროლება და სხვა სავაჭრო ნიშნების რეგისტრაცია, მათ შორის “Managed WordPress” და “Hosted WordPress”. ეს ნაბიჯი კიდევ უფრო აღრმავებს დეველოპერებისა და პროვაიდერების შიშებს, რადგან მათთვის გაურკვეველია, თუ როგორ შეიძლება ამ სავაჭრო ნიშნებმა გავლენა მოახდინოს მათ საქმიანობაზე.
ღია წყაროს ეკოსისტემის ბევრი წევრი შეშფოთებულია იმით, თუ რამდენად ადვილად შეიძლება მსგავსი პრობლემები გამოიწვიოს სერიოზულ ზიანს სხვა პროექტებისთვის. ამასთან, Automattic-ის საქმიანობისა და WordPress-ის ბრენდის მართვის სტილი ფართო კრიტიკას იწვევს. Ruby on Rails-ის შემქმნელი დევიდ ჰეინმეიერ ჰანსონიც კი ჩაერთო დისკუსიაში და Automattic-ის ქმედებები ღია წყაროს პრინციპების დარღვევად მიიჩნია, რადგან ისინი WP Engine-ს შემოსავლების 8%-ის გადახდას სთხოვენ.
კომპანიები რომლებიც ვორდპრესზე არიან დამოკიდებულია შეშფოტებულები არიან, რომ Automattic-ის მოქმედებები, როგორც დამფუძნებლის მიერ ინიცირებული, შესაძლოა გარკვეული საფრთხე შეუქმნას მთლიანად WordPress-ის პლატფორმას. საზოგადოების წევრები ხაზგასმით აღნიშნავენ, რომ აუცილებელია, შეიქმნას მკაფიო მიმართულებები სავაჭრო ნიშნების გამოყენების საკითხში, რათა თავიდან იქნას აცილებული შესაძლო კონფლიქტები და გაურკვევლობები მომავალში.
